Comunicau de conchunta de #TaOsPuelos, chornada 26F

As organizacions d’a dinamica internacionalista #TaOsPueblos queremos amostrar o nuestro refuse debant d’as nuevas midas empentadas por o gubierno espanyol t’a mercantilización y elitización d’a universidat, un nuevo trango en un camín que no deixa d’abanzar dende a implantación d’o Plan Bolonia.

Con o sistema 3+2 as carreras pasarán a contar con tres anyos de grau y dos de posgrau, contra os quatro de grau y un de posgrau actual. Ixo sin olbidar que, antis de Bolonia, yeran cinco os anyos a cursar, evolución que, mas que mas, suposa un mayor encarecimiento d’a formación universitaria completa.

Debant d’ista situación, estamos que no’n queda unatra que a movilización y a luita d’os respectivos movimientos estudiantils d’as nacions oprimidas por l’Estau Espanyol, y ye por ixo que saldremos todas t’a carrera iste 26 de febrero. Ixe diya feremos ascuitar a voz d’as estudiants, no nomás t’aturar as midas regresivas que se mos ne vienen, que ta lograr abances y triumfos enta una educación en veras publica, popular, de calidat, emancipadera y acorde a la realidat nacional d’os nuestros pueblos.

A o filo d’isto, denunciamos y refusamos as practicas centralistas y unilaterals d’o “Sindicato de Estudiantes”, que por enesima vegada, convoca quantos diyas de vaga sin contar con os movimientos estudiantils d’os respectivos pueblos, y sin fer-se cargo d’as suyas realidatz y dinamicas en desembolique.

O modelo por o que achugamos d’un traza cerenya ye d’o treballo de base, emancipador y conscient d’as especificidatz propias de cada pueblo, embrecando en ixa luita a totz os achents en luita ta construyir una alternativa real y fuerte. De vegada, achugamos por a coordinación entre as diferents nacions de l’Estau, dende o respeto, a igualdat y o refirme mutuo, t’aconseguir abanzar en a construcción de sistemas educativos propios, d’os pueblos y t’os pueblos.

NO A O 3+2

NO MAS MERCANTILIZACIÓN

EDUCACIÓN #TaOsPueblos

26F aragones

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s